আজকের কণ্ঠস্বর

রফিকুল ইসলাম জসিমঃ ঙাসি ৫ ডিসেম্বর নোংমাইজিং নুমিং ইম্ফাল ওল্ড এসেমব্লি রোদ মফম মণিপুর হিন্দি পরিষদ দা অয়ুক পূং ১০ দা “আইবশিং গী ঈপাক না শীন্দুনা মনিপুরী মুসলিম কবি আমাসুং রাইটার্স ইউনিয়ন ইম্ফাল জেনারেল সেক্রেটারি  লেখক এম এ হাশিম গি ইবা শৈরেং লাইরিক ‘লৈঙোইথক্তা নঙগী শক্তম’ ফোঙগনি। অদুগা লইনাদানা আমাসুং খোমজিনবা কবি এম. এ.হাসিম না ‘ ঈহৌরক্লিবা ঈপাক্কী ইপোম, কবি বি.এম. সেরাজ ঈবা  ‘য়াইফবতা ওইবিয়ু,  দোনেশ্বর কোন্সম ঈবা মঙলানগী হিরানফম তমজরি সু ফোঙগনি। 

এম এ হাশিম, ইং ১৯৬৯ দা য়াইরিপোক টুলিহল‌দা পোকই।য়াইরিপোক ময়াই কৈথেলদা অহলশিংনা খুল হোংলবনা মফমশিদা চাউরকখি।ইং ১৯৯৮ দা য়ুম্বান পুন্সিদা খোঙদাই। লোইনবীগী মিংনা বেগম শুরৈয়া কৌই।অপোকপগী মিং মুহম্মদ মুবারক অলি কৌই। অপোকপীগী মীং জহুরা বিবি কৌই। অহল অনীমক লৈখিদ্রে। তুংদা কাইরং মখা লৈকায়/শঙাকফম কাইরংদা হোংলকখি।

এম এ পোলিতিকেল সাইন্সনি।কলেজ অমদা ওজা ওইরি।১৯৯৯ দা স্কূল লিংখৎতুনা শোত্থরবা খুঙ্গং চাউখৎনবা হোৎনখি। লৈতা-লাইরা কয়া মতেং পাংবা পামখি। ২০১৫ ইংদা “শারিয়া ফাইন্নাস” কৌবা শুপ্নগী কা-হেন্না খুদোং চাদ্রবশিংদা মতেং পাংবা অমা প্রাইভেৎ ওইনা শেমগৎলি। হৌজিক ফাউবদা মীওই ৫০ হেন্না থা থাগী পেন্সন পীদুনা কান্নবা ফংহনখ্র। হৌজিক হৌজিক ফাইনান্স অসিগী মেনেজিং দিরেক্তর ওইরি।

১৯৯৯ দা “জানকী” নোভেল ফোঙদুনা খোরিরোলগী থোঙজিন্দা চঙবা হৌই। ২০০৬ তা “মেলা অমা পুন্সি অমা”ফোঙই।২০০৭ ইং দা “শৈরেংদা তিন্খ্রবা ৱারী” শৈরেং লাইরিক ফোঙই। ২০১২  তা “লোক্তাক খায়না হিহোনবা (নোভেল)” ফোঙই।

ইং ১৯৯৯ দা তাইবং সাহিত্যা লূপ লিংখৎলি।ইং ২০০০ দা তাইবং লিকফাঙ কৌবা সাহিত্যাগী চেফোঙ ফোঙই। চেফোঙ অসিগী জোইন্ত এডিটরনি।তাইবং সাহিত্যা লূপকী সেক্রেটরি ওইরি। মতম শাংনা রাইর্তস য়ুনিয়নগী  মেম্বর ওই।লুপ অসিগী জোইন্ত সেক্রেটরি ওইরম্মী। হৌজিক্তি লূপ অসিগী সেক্রেটরি ওইরি। থম্বালনু সাহিত্যা লূপ কম লাইব্রেরি,য়াইরিপোক্কী অচঙবা মেম্বরনি। লূপ কয়ানা ফোঙবা শৈরেংগী এন্থোলোজিদা শৈরেং ইখি।

২০২০ সেপ্তেম্বরদা “অইবশিংগী ঈপাক”কৌবা ফেসবুক গ্রুপ অমগী এদমিন ওই। গ্রুপ মেম্বরশিংনা ইরকপা শৈরেংশিং খোমজিন্দুনা “ঈপাক্তা তিল্লরবা ঈচেল” কৌবা শৈরেং লাইরিক ফোংই। এন্থোলোজি অসিগীসু এডিটরনি।